دانپێدانا ئەکادیمی

ل ٣٠/٨/٢٠١٧، وەزارەتا خواندنا بلند و ڤەکۆلینێن زانستی یا عیراقێ دانپێدانا تمام بەخشییە زانینگەها ئەمریکی یا کوردستانێ. و بڤێ چەندێ زانینگەها ئەمریکی یا کوردستانێ دبیتە ئێکەم و زانینگەها ئێکانە ل هەرێما کردستانێ کو دانپێدانێ وەربگریت بەری دەرچوونا قوتابیێن وێ

دانپێدانا حکومی بەلگەیە کو دەزگەهێن خواندنێ پیڤەرێن سەرکەفتنا ئەکادیمی بجهـ دئینن و دپارێزن. کۆلیژ و زانینگەهـ ل سەرانسەری جیهانێ ڕەوشا دانپێدانێ بکارتینن وەک پیڤەرەکێ سەرەکی بۆ وەرگرتنێ د ئێکەتیێن ڤەکۆلینێن نێڤدەولەتی و بەرنامێن پێکگهورینێ. هەروەسا قوتابیێن باوەرناما وەردگرن ژ دەزگەهێن دانپێدانکری دەریڤەکا مەزنترا هەی بۆ وەرگرتنێ د بەرنامەیێن خواندنێ یێن بلند یێن نێڤدەولەتی

زانینگەها ئەمریکی یا کوردستانێ پێگیرە ب بلندکرنا پیڤەرێن خواندنا بلند ل دەڤەرێ و رەخساندنا هەمی دەریڤەیێن پێدڤی بۆ قوتابیێن خو بۆ زانینگەهێن خودان رێز ل سەر ئاستێ نێڤدەولەتی. و بۆ بجهـ ئینانا ڤێ مەرەمێ، زانینگەهـ بەردەوام دێ ل دویف باوەرنامێن دانپێدانێ یێن پیشەیی گەڕیت و دێ هەڤپشکییا دگەل ڕێکخراوێن ئاست بلند کەت، و لدوماهێ، بدەستڤە ئینانا دانپێدانا هەرێمی یا دەزگەهی ژ ئەمریکا