دڤێت قوتابی شارەزا بن دزمانێ ئینگلیزی داکو بەرنامێن زانینگەھێ بخوینن. کورسێن خواندنێ، دناڤا پۆلان دا، وانە شرۆڤەکرن و هەمی وژێدەر، هەروەسا پەیوەندیکرن، ھەمی ب زمانێ ئینگلیزی نە. لەوا ژی دڤێت قوتابی شیانێن پێشکەفتی د زمانێ ئینگلیزی دا هەبن و ببەلگەکا فەرمی وێ چەندێ بسەلمینیت.
لێخۆشبوون ژ کۆرسێن زمانێ ئینگلیزی:
ئەو قوتابیێن ژیاین و/یان دەرچووبن ژقوتابخانەکا ئامادەیی لوەلاتەکی زمانێ ئینگلیزی تێدا زمانێ ئێکێ بیت دھێنە بەخشین ژپێتڤیێن زمانێ ئینگلیزی. وئەڤە رێکێن ڤێ لێخۆشبوونێ نە:
- چوار سالێن لدویڤ ئێک ژیابیت ودەرچووبیت ژقوتابخانەکا ئامادەیی لولاتەکی زمانێ ئینگلیزی تێدا زمانێ ئێکێ بیت.
- شەش سالێن لدویڤ ئێک ژیابیت یان پتر لولاتەکی زمانێ ئینگلیزی تێدا زمانێ ئێکێ بیت.
* دڤێت بەلگەنامێن سەلماندنێ بھێنە پێشکەشکرن.
TOEFL یان IELTS:
دبیت قوتابی دهێنە بەخشین ژپێتڤیێن زمانێ ئینگلیزی برێکا پێشکەشکرنا باوەرنامەیا تاقیکرنێن TEOFL یان IELTS یا بسەرڤەنەچووی بپلەیا پێتڤی. لدەڤ زانینگەھا ئەمریکی یا کوردستانێ مەرجە ٧٠ پلەیا بینی دتاقیکرنا TOEFL iBT یان ٦.٠ IELTS وەک کێمترین نمرە بدەستڤە بینی. تاقیکرنا TOEFL و IELTS دوو سالا دمینیت.
تاقیکرنا دەستنیشانکرنا ئاستی دزانینگەھا ئەمریکی یا کوردستانێ:
ئەو قوتابیێن مەرجێن دیارکری لسەری لدەڤ نەبن دڤێت تاقیکرنا دەستنیشانکرنا ئاستی یا زانینگەھا ئەمریکی یا کوردستانێ دەرباز بکەن. تاقیکرنا دەستنیشانکرنا ئاستی یا زانینگەھا ئەمریکی یا کوردستانێ دابەش دبیت بۆ سێ پشکا: ١) تێگەهشتن ٢) نڤیسین ٣) ئاخفتن. ئەڤ تاقیکرنە پلەکێ ددەتە قوتابی ئاماژە دکەت بۆ ئاستێ زمانێ ئینگلیزی کو دڤێت قوتابی ژێ دەسپێبکەت.