زانینگەها ئەمریکی یا کوردستانێ ل دهۆکێ بو هەڤبەشا زانینگەها مێدل تێنیسی یا ئەمریکی
دهوک، هەرێما کوردستانێ – ٢٥ی مەها ٧، ٢٠١٩- زانینگەها ئەمریکی یا کوردستانێ مێموڕاندومەکا لێکتێگەهشتنێ دگەل زانینگەها میدل تێنیسی یا ئەمریکی ئیمزا کر. ئەڤە دهێتە هژمارتن وەک ئێکەمین پێنگاڤ بو دروستکرنا پرەکا هەماهەنگیێ دناڤبەرا هەردوو زانینگەها.
ب ئامادەبوونا ڕاگرێن گشتی یێت هەردوو زانینگەها، دکتور نەزار نوعمان ژ زانینگەها ئەمریکی یا کوردستانێ و دکتور پیتەر کونینگهام ژ زانینگەها میدل تێنیسی ئەڤ ڕێکەفتنە هاتە ئیمزا کرن.
ئەڤ هەڤبەشیە ئێکە ژ چوار هەڤبەشیێن دێ یێن هەرە مەزن یێن زانینگەها ئەمریکی یا کوردستانێ دگەل زانینگەهێن ویلایەتێن ئێکگرتی یێت ئەمریکا. دەرئەنجامێ ڤێ رێککەفتنێ دێ دەرفەتێ دەتە قوتابیێ زانینگەها ئەمریکی کو دڕێژە پێدانێ بدەنە خاندنا خو ل ئەمریکا و باوەرنامەکا هەڤبەش ژ هەردوو زانینگەها وەرگریت کو یا باوەر پێکری بیت ل ناڤخوو و دەرڤە.
ئەڤە ژی دەرگەهەکێ نوی ڤەدکەت بو قوتابیین زانینگەها مە کو بشێن پتری ١٦٠ پروگرامێن خواندنێ ل ئەمریکا بخوینن و دهەمان دەم دا زانینگەها ئەمریکی یا کوردستانێ د ئێختە سەر نەخشا جیهانی و دەرفەتێ ددەتە قوتابیێن بیانی کو بهێنە هەرێما کوردستانێ و ب تایبەت باژێرێ دهوکێ و ئاشنا ببن ب پڕوگرامێت خواندنێ یێت زانینگەها ئەمریکی یا کوردستانێ.
بەڕێز مایکل مەکلینن، ڕێڤەبەرێ پێشڤەبرنا ئەکادیمی ل زانینگەها ئەمریکی یا کوردستانێ د پەیڤا خو دا ئاماژە ب گرنگیا ڤێ ڕێکەفتنێ کر و گوت: مە دڤێت پرەکێ چێکەین دناڤبەرا قوتابیێن هەردوو زانینگەها و دەلیڤا ئاشنا کرنێ ب کەلتورێ ئەمریکی بو قوتابیێن کوردستانێ رێک بێخین و دهەمان دەم دا مفای ژ ئەزمونا زانینگەها میدل تێنیسی وەرگرین.
هەژی گوتنێ کو ئەڤ هەڤبەشی یە دهێتە هژمارتن وەک ئێکەم ڕێکەفتن دناڤبەرا زانینگەها ئەمریکی یا کوردستانێ و زانینگەهێن وەڵاتێ ئەمریکا و دپلان دایە د ٥ ساڵێت بهێت دا زانینگەها ئەمریکی یا کوردستانێ ژمارەیەکا ڕێککەفتنا ئیمزا کەت دگەل زانینگەهێن ئەمریکی ژ وانا، زانینگەها واین ستیەیت، زانینگەها بوفاڵو و هەروەسا زانینگەها هیوستن تکساس کو ژ باشترین زانینگەهانە ل سەر ئاستێ ویلایتێن ئێکگرتی یێن ئەمریکا