گەھشتن بۆ زانینگەھا ئەمریکی یا کوردستانێ

ل زانینگەھا ئەمریکی یا کوردستانێ راوێژکارێن ئەکادیمی یێن ھەین بۆ پێشکەشکرنا پشتەڤانیێ ورێنمایا بدرێژاھیا ماوەیێ خاندنێ. دەمێ قوتابی دگەھنە زانینگەھا ئەمریکی یا کوردستانێ، زانیاری وپشتەڤانیەکا موکم دھێتە پێشکەشکرن بۆ قوتابیا سەبارەت پروسەیا ئاراستەکرنێ وھەلبژارتنا خولا خاندنێ ووەرگرتنێ وتۆمارکرنێ.

ھەمی ئەندامێن کۆلیژێن زانینگەھا ئەمریکی یا کوردستانێ دبەردەستن وحەزدکەن ھاریکاریا قوتابیا بکەن وبەرسڤا پسیارێن وان یێن ئەکادیمی بدەن.

پشتی تۆمارکرنێ، قوتابی دھێنە شیرەتکرن بەشداریێ بکەن دبەرنامێن ئاراستەکرنێ یێن پلان بۆ ھاتینە دارشتن، چونکی ئەڤ بەرنامە یێن بشێوەکێ تایبەت ھاتینە دیزاینکرن بۆ ناساندنا قوتابیا ب دەزگەە وخزمەت ویاسا ورێنمایێن زانینگەھێ.

سالنامەیا ئەکادیمی ژ ڤێرێ داگرە

چالاکیێن قوتابیا

برێکا بەرنامەکێ سەرکردایەتی کو بشێوەکێ تایبەت ھاتیە دیزاینکرن، زانینگەھا ئەمریکی یا کوردستانێ دەریڤەیێ ددەتە قوتابیا دەنگەکێ تایبەت بخۆڤە ھەبیت.

ئەڤ بەرنامێ قوتابیا ھەمی قوتابیێن زانینگەھا ئەمریکی یا کوردستانێ بخوڤە دگریت دبن سەیوانا ” حوکمەتا قوتابیان”

حوکمەتا قوتابیا دەریڤەەێ ددەتە قوتابیا بۆ دەربرینێ ژبوچوون وحەزێن خۆ وئاراستەکرنا هزرێن خو بو زانینگەھێ.

ھەروەسا، دامەزراندنا حوکمەتا قوتابیا بەشداریا قوتابیا دیانەیێن جڤاکی وچالاکی ورێکخراوێن دی مسوگەر دکەت، برێکا دابینکرنا ئالاڤێن پێتڤی بۆ قوتابیا بۆ رێکخستنا چالاکی/ بەرنامێن جڤاکی وروشەنبیری وئەکادیمی دبن سەرپەرشتیا نڤیسینگەھا کاروبارێن قوتابیا ڤە (OSA).

چالاکی

نڤیسینگەھا کاروبارێن قوتابیا رولەکێ بەرچاڤ دگێریت درێکئێخستنا چالاکیا ل زانینگەھێ. چالاکیێن دھێنە ئەنجامدان چالاکیێن فێرکرنێ بخوڤە دگرن وەکی ورکشوپا وسمینارا وبەریکانا وکۆنفرانسا. ھەروەسا، نڤیسینگەھا کاروبارێن قوتابیا ھژمارەکا ھەمەجۆر ژچالاکیا رێکدئێخیت کو چالاکیێن فێرکرنێ ودەمبوراندنێ بخوڤە دگرن بۆ قوتابیێن زانینگەھێ وەکی گەشت ودەستپێشخەریێن خێرخوازی وپەیوەندیکرنا جڤاکی وئاھەنگێن نەتەوەیی وروشەنبیری.

یانەیێن قوتابیا

یانەیێن قوتابیا رادبن لسەر حەز وئارەزویێن قوتابیا ودھێنە رێکخستن ودامەزراندن ژلایێ قوتابیا دبن سەرپەرشتیا نڤیسینگەھا کاروبارێن قوتابیا. زانینگەھا ئەمریکی یا کوردستانێ ھاندانا قوتابیا دکەت بۆ دامەزراندنا یانەیێن قوتابیا وبەشداریکرنێ تێدا بۆ ئاراستەکرنا شیانێن خۆ بشێوەکێ ئەرێنی بەرەڤ ھندەک پرۆژەیێن هەمەجۆر ل دویف حەزێت خو وھەروەسا کەش وھەوایەکێ تژی ھێز و ووزە پەیدادکەت بۆ قوتابیان. زانینگەھا ئەمریکی یا کوردستانێ تەکەز دکەت لسەر گرنگیا بەشداریکرنێ دیانەنیێن قوتابیا ژبەرکو شیانێن قوتابیا یێن دەسپێکی باشتر لێدکەت، وەکی سەرکردایەتی وپەیوەندیکرن وگیانێ وەرزشی وباوەری وکارێ ھەڤپشک وچەندین شیانێن دی یێن پێتڤی ویێن دھێنە ڤەگوھاستن پشتی دەرچوونێ.