زانینگەها ئەمریکی یا کوردستانێ سەرۆکەکێ نوو هەلبژارت
دهۆک، هەرێما کوردستانێ – 10ی خزێرانا 2020ێ – د. رەندل رۆدز، پرۆڤۆستێ تا نها یێ زانینگەها ئەمریکی یا ئەرمەنستانێ و پرۆڤۆستێ هاریکلار یێ بەرێ یێ زانینگەها فرۆستبورگ یا ئەمریکی وەک سەرۆکێ سێیێ یێ زانینگەها ئەمریکی یا کوردستانێ ژ ئالییێ دەستەیا وێ یا ئەمینداران ڤە هاتە هەلبژارتن.
د. رۆدز دەرچوویێ زانینگەها شیکاگۆ یا ئەمریکا یە و ژ سالا 1985ێ وەرە د ئەرکێن جودا دا مینا مامۆستا، سەرۆکێ دەستەیا مامۆستایان، سەرۆکپشک، هاریکارێ راگری و پرۆڤۆست کار د بیاڤێ ئەکادمی دا کرییە.
د داخویانییەکێ دا سەرۆکێ نووهەلبژارتی یێ زانینگەها ئەمریکی یا کوردستانێ راگەهاند: ئەز خوە بەختەوەر دزانم ببمە پشکەک ژ زانینگەها ئەمریکی یا کوردستانێ، ژ بەر کو زانینگەهەکا گەنج و خوەدان ئارمانجە و هەمی شیان هەنە د پێشکەفتنا پەروەردەیی، ئابۆری و جڤاکی یا کوردستانێ دا ببیتە سەرکێش. دخوازم ژبۆ بدەستڤەئینانا ڤان ئارماجان هەڤکار بم دا کو بلندترین ئاست بهێتە راگرتن و زانینگەها ئەمریکی یا کوردستانێ ببیتە نموونەیەکا خواندنا بلند ل دەڤەرێ.
لژنەیا دەستنیشانکرنا بەربژارێن سەرۆکاتییا زانینگەها ئەمریکی یا کوردستانێ د. رۆدز ب هزرمەندەکێ ستراتیجی ناڤ دکەت و پەسنا سەربۆرا وی یا مەزن و بسپۆرییا وی د دانانا پلانێن دۆمدرێژ و وەرگرتنا دانپێدانێن فەرمی دا ددەت. هەروەسا دوپات دکەت، کو کەساتییەکا سەرکێش مینا یا سەرۆکێ نووهەلبژارتی دێ زانینگەهێ بەر ب ئاراستەتەیەکێ نوو ڤە بەت و شێت مفای بگەهینیتە دەڤەرێ و ژیانا وەلاتییان ژی.
لژنە ب سەرۆکاتییا د. هۆنەر عیسا، سکرتێرێ دەستەیا ئەمیندارێن زانینگەهێ یە و ب پشکدارییا هەژمارەکا دی یا ئەندامێن دەستەیا ئەمیندارێن زانینگەها ئەمریکا مینا د. سێلێست شێنک، سەرۆکێ زانینگەها ئەمریکی یا پاریسێ، د. فەزلۆ خوری، سەرۆکێ زانینگەها ئەمریکی یا بەیرووتێ، د. موسلح دهۆکی، سەرۆکێ زانینگەها دهۆکێ و بالیۆز پیتر گەلبرایت، هەروەسا د. کۆرنێلیووس کەروین، سەرۆکێ بەرێ یێ زانینگەها ئەمریکی یا واشنتۆنێ.
د. رەندل رۆدز دێ جهێ بالیۆز جۆن مەنزیس، سەرۆکێ نها یێ زانینگەها ئەمریکی یا کوردستانێ گریت. د. مەزیز ژی دێ ژ بەر خزمەتا خوە یا مەزن د رەوشێن سەخت دا مینیت سەرۆکێ فەخری یێ زانینگەهێ.