تیما کوردستان بوو قارەمانا پێشبرکا تۆپا پێی یا ڤی وه‌رزی
دهۆک، هەرێما کوردستانێ – 6ی چریا 2019ێ – پێشبرکا قارەمانییا تۆپا پێی یا زانینگەها ئەمریکی یا کوردستانێ ب فینالا د ناڤبەرا تیمێن کوردستان و پێشمەرگە دا ب دوماهی هات.
بپشته‌ڤانیا كۆمپانیا لالاڤ، حکومەتا قوتابییان یا زانینگەها ئەمریکی یا کوردستانێ د شەشەمین قارەمانییا خوە یا تۆپا پێی دا دوهی پشتی هەڤڕکییەکا بهێز یا هەردو تیمێن خوە گەهاندی فینالا پێشبرکێ، یا کو ب ئەنجامێ 2ب 1بدوماهی هاتی، تیما کوردستان وەک قارەمانا نووخەلات کر.
موحه‌ممه‌د فه‌رهاد،ئێک ژ یاریکەرێن تیما پێشمەرگە ژی دەربارەی یارییێ گۆت: “مە هەموو شیانێن خوە نیشان دان، لێ د وەرزشێ دا ژ بلی بەختی، هندەک جاران مرۆڤ رووبروویی هەڤڕکێن ژ خوە زیرەکتر دبیت و نەچار دبیت سەرکەفتنا وی قەبوول بکەت.”
هەڤدەم گۆت ژی: “ئەڤ قارەمانییە بۆ مە دەلیەڤەیەکا باشبوو، زێدەباری خواندنێ جۆرەکێ دی یێ هەڤركرییێ بکەین.”
هەرچەندە هەر ژ دەستپێکا پێشبرکێ پێشبینییا سەرکەفتنا ئێک ژ هەردو تیمێن کوردستان و پێشمەرگە ژ بەر زیرەکاتییا یاریکەرێن وان دهاتە کرن، لێ تیمێن رۆژئاڤا، ئالستارس و ڤایکینگس ژی ب پشکدارییا خوە ئەرکێ خوە د بلندکرنا ئاستێ قارەمانییا ئەڤسالە یا زانینگەها ئەمریکی یا کوردستانێ دا ب هەڤبەرکرن ل گەل یێن سالێن بووری، بجهـ ئینا.
دانەر فەرهادی، ئێك ژ مامۆستایێن زانینگەها ئەمریکی یا کوردستانێ و هەڤدەم ئێک رێکخەرێن پێشبرکێ ژی دا زانین: هەڤسەنگییا ئاستێ هەر پێنج تیمێن پشکدار یێن ئەڤدالە قارەمانی ب جۆش ئێخست، هەروەسا پشکداری و ئامادەبوونا بینەران د هەموو یارییان دا رۆلەکێ بەرچاڤ هەبوو. سوپاسییا وان دکەین و هیڤیخوازین بوهارا سالا بهێت ب هەمجان سۆزی بەرهەڤی پێشبرکا مە یا بهێت ببن.”
لیستا هەلگرێن خەلاتان:
قارەمانا پێشبرکێ: تیما کوردستان
گۆلکەرێ پێشبرکێ: ئەحمەد مەسعوود ژ تیما ئالستارس
جوانترین گۆل: ئەحمەد مەسعوود ژ تیما ئالستارس
خەلاتێ گیانێ وەرزشی: ئارین مەسروور ژ تیما کوردستان
باشترین یاریکەر: عەلی موراد ژ تیما کوردستان
باشترین بەرەڤان: رووبار فەتاح ژ تیما ئالستارس
باشترین گۆلپارێز: شاندار هشیار ژ تیما کوردستان
باشترین ئالیگر: د. جۆن مەنزیس، سەرۆکێ زانینگەها ئەمریکی یا کوردستانێ